اسلام آباد 25 جولائي (اے پي پي) د حكمران اتحاد مشرانو د پنجاب وزيراعلٰی په ټاكنه كښې د ډپټي سپيكر د رولنګ په ضد د خواست اورېدنې لپاره د فل كورټ تشكيل كولو غوښتنه كولو سره وئيلي دي چې د آئين، پارلمان او د دې د پرېكړو بايد احترام وكړے شي، د قومي يوواليي سوچ سياسي مشرتابه سره سره بايد د ادارو هم وي، په دې صورت كښېې هېواد د مشكل صورتحال څخه ويستل كېدے شي، د پاكستان سودا كولو ته تيار نه يو، كوم ډول نرم مداخلت به د جمهوري اصولو له مخې درست نه وي، اتحادي حكومت به خپله آئيني موده پوره كوي. دا خبرې د ګل په ورځ د حكمران اتحاد د سياسي ګوندونو مشرانو په وزيراعظم سېكرټرېټ كښې شريك خبري كانفربنس ته د وېنا كولو په مهال وكړې. د مسلم ليګ ﴿ن﴾ لارښودې مريم نواز ووئيل چې د جنګ عظيم دوهم په وخت دا پوښتنه وكړې شوه كه زمونږ عدالتونه انصاف كوي نو مونږ ته څوك هم ماتې نه شي راكولې، هم داسې د خليفه راشد قوم دے چې په نړۍ كښې د كفر نظام چلېدې شي خو د ظلم نه. مريم نواز ووئيل چې كومه عدالتي پرېكړه غلطه كېدې شي خو د غلطو پرېكړو تسلسل غلط دے. هغې ووئيل چې د انصاف په بنياد په شوې پرېكړه چې تنقيد وكړې شي ، هغه كومه معنٰی نه لري. په پنجاب كښې د وزيراعلٰی ټاكنه شوې او په دې تحريك انصاف په دېوالونو ختلو سره د سپريم كورټ رجسټرې برانچ ته ورسېدو ، لا پټېشن تيارېدو او انتظار ئې وكړې شو.دا په دې هېواد كښې د انصاف حقيقت دے. د سېنېټ په ټاكنو كښې 6 رائې رد كړې شوې نو هغه وخت عدالتي دريځ وو چې د چيئر رولنګ نه شي چېلنج كېدے خو اوس د پنجاب وزيراعلٰی په ټاكنه كښې ډپټي سپيكر طلب كړے شوے. د قومي اسمبلۍ ډپټي سپيكر قاسم سوري په عدالت كښې ولې طلب نه كړے شو. مريم نواز ووئيل چې په جعلي ووټ ثابتېدو هغه د دوه نيمو كلونو نه د سپريم كورټ څخه په حكم امتناعي دے. په آئين ماتولو صدر او ډپټي سپيكر چا عدالت نه طلب نه كړل. د پي ډي اېم او جے يو آئي مشر مولانا فضل الرحمان ووئيل چې هغه د مريم نواز د ټولو خبرو تائيد كوي، مونږ ته عدالت ته تحفظ وركولو لپاره تر اخري حد تلل دي. ده ووئيل چې مونږ د دې هېواد وګړي يو، مونږ دې هېواد سره وفاداري لرو، پارلمان طاقتور كولو لپاره به مونږ ته مخ په وړاندې تلل وي. كه خود احتسابي وي نو ادارې به هم وي او سباٶن به هم ښه شي، چې استحكام راشي نو هر څه به سم شي. ده ووئيل چې د پنجاب وزيراعلٰی په كېس كښې فل كورټ زمونږ غوښتنه ده. د پاكستان پيپلز ګوند چيئرمېن او خارجه وزير بلاول بهټو زرداري ووئيل چې مونږ غواړو چې هېواد په آئيني طريقه وچلېږي، د عمران خان په فشار كښې راتللو سره آئين نه شي بدلېدې. ده ووئيل چې زمونږ دريځ دے چې د سپريم كورټ فل كورټ بېنچ دې د رولنګ پرېكړې مهم كېس واوري، چې كومه پرېكړه وي ، هغه به د آئين او قانون له مخې وي. مونږ ټول به هغه پرېكړه منو. د مسلم ليګ ﴿ق﴾ سېكرټري جنرل او وفاقي وزير چوهدري طارق بشير چيمه ووئيل چې دا جائز غوښتنه ده چې فل كورټ تشكيل كړے شي. د بلوچستان عوامي پارټۍ لارښود خالد مګسي ووئيل چې د 70 كلونو تجربې او حالات د ټولو په وړاندې دي، ده ووئيل چې كه د حمزه په معامله كښې فل كورټ جوړ كړے شي نو په دې كښې كوم حرج نشته، زمونږ د ټولو دا غوښتنه ده. ده ووئيل چې كه په كومه معامله خبره كول وي نو ګرېنډ جرګه دې وكړې شي. د عوامي نېشنل ګوند لارښود اېمل ولي ووئيل چې نن مونږ ټول يوووالي سره يو دريځ لرو، تل د ګوند لوئې پرېكړې د ګوند مشر كوي. ده ووئيل چې د جمهوريت او جمهوري نظام مستحكم كولو ضرورت دے. د قومي اسمبلۍ غړي محسن داوړ ووئيل چې كه د كال 1973م د آئين له مخې ادارې كار ونه كړي نو معاملې به څنګه سمې شي. د بلوچستان نېشنل پارټۍ﴿مېنګل﴾ لارښود آغا حسن بلوچ ووئيل چې د پارلمان كار قانون جوړول او د عدليې كار بې طرفه كېدو سره خلقو ته انصاف وركول او د اسټېبلشمنټ كار د هېواد دفاع كول دي. د اېم كيو اېم لارښود اسامه قادري ووئيل چې كه د پاكستان د ټولو سياسي ګوندونو د مشرانو غوښتنه ده چې فل كورټ دې جوړ كړے شي نو په دې كښې كوم حرج دے. د قومي اسمبلۍ غړي اسلم بهوتاني ووئيل چې د اتحادي ګوندونو د مشرانو د فل كورټ د غوښتنې تائيد كوو.
د پنجاب وزيراعلٰی په ټاكنه كښۍ د ډپټي سپيكر د رولنګ په ضد د كېس اورېدنې لپاره دې فل كورټ تشكيل كړے شي، د آئين، پارلمان او د دې د پرېكړو بايد احترام وكړے شي. د حكمران اتحاد د مشرانو په شريك خبري كانفرنس كښې غوښتنه
مضمون کا ماخذ : بفیلو بلٹز
متعلقہ مضامین
