اسلام آباد 30 مارچ (اے پي پي) د افغانستان د ګاونډيانو هېوادونو د خارجه وزيرانو دريمه غونډه د زيارت په ورځ د چين د انهوئي ولايت په تونسي ښار كښې شوې. په غونډه كښې د چين، اېران، پاكستان، روسيې، تاجكستان، تركمانستان او د ازبكستان خارجه وزيرانو او د دې هېوادونو استازو ګډون وكړو. د چين صدر شي جن پنګ غونډې ته مباركي وركولو سره پېغام ولېږلو او د ملګرو ملتونو سېكرټري جنرل انتونيو ګوترېس د وېډيو لنك د لارې پېغام وركړو. د غونډې ګډون كوونكو د افغانستان په صورتحال ګټورې خبرې وكړې. د غونډې نه پس په جاري شوي بيان كښې وئيلي شوي د افغانستان د آزادې، خپلواكې، سيمه ايزې سلامتيا او قومي يووالي به احترام كولې شي. په غونډه كښې شريكو هېوادونو د افغان اولس د خپلې پړېكړې كولو د بنيادي اصولو د ملاتړ پخلے وكړو. دوي د افغانستان د اوسني صورتحال په بنيادي توګه ذمه وارو هېوادونو ته ووئيل چې دوي د افغانستان د اقتصادي بحالې او د سباٶن پرمختګ په اړه شوي لوظونه پوري كړي. په غونډه كښې په دې خبره زور راوړلے شو چې يو سوله ايز، مستحكم او خوشحال افغانستان د سيمه ايزو هېوادونو او افغانستان شريكې ګټې پوره كوي. دې مقصد لپاره دوي په شريكه تعميري كردار ترسره كولو لپاره امادګي وښودله. دوي ووئيل په افغانستان كښې د خبرو د لارې قومي تفاهم ، ټولشموله او جامع سياسي نظام، د اعتدال او استحكام خارجه او ملكي پالېسې خپلول او ټولو هېوادونو او په خاص توګه ګاونډيانو سره د دوستې اړيكو د زياتولو اهميت ضروري دے. ډلو ته ضروري ده چې دوي دې مقاصدو لپاره افغانستان سره خبرې او رابطې قوي كړي. په بيان كښې په افغانستان كښې د مېرمنو حقونو او د ماشومانو تعليم باوري كولو لپاره د ضروري اقداماتو اهميت په ډاګه كولو سره د خلقو د روزګار ښه كولو، د نسلي ډلو، مېرمنو او ماشومانو پشمول د ټولو افغانانو د بنيادي حقونو تحفظ لپاره د لا اقداماتو غوښتنه شوې . په بيان كښې د خارجه وزيرانو د دريمې غونډې په كوربتوب د چين مننه شوې او د كال 2023م په وړومبو درې مياشتو كښې په تاشقند كښې د خارجه وزيرانو د څلورمې غونډې رابللو لپاره د ازبكستان ملاتړ شوے.
د افغانستان د آزادې، خپلواكې، سيمه ايزې سلامتيا او قامي يووالي به احترام كولې شي. د افغانستان د ګاونډيانو هېوادونو د خارجه وزير د دريمې غونډې نه پس شريك بيان
مضمون کا ماخذ : گرم گرم
متعلقہ مضامین
