اسلام آباد۔30جون(اے پی پی)د وزيراعظم د غذائي تحفظ او تحقيق خصوصي مرستيال جمشېد اقبال چيمه وئيلي دي هېواد كښې د مېوؤ او سبزيانو پېداوار تر 30 چنده او د غَلو تر 80 فیصده زياتولو له ګامونه پورته كوؤ۔ پاكستان د 25 اربه ډالره ماليت پۍ او ډېري مصنوعات برآمد كولې شي۔ په زرعي ټرانسفارمېشن پلان كښې خوراك ته خاص پام ګرځولے شوے ۔ د حكومت هڅه ده چې پاكسان خوراك برآمد كوؤنكے هېواد جوړ شي۔ کسان کنونشن نن د زيارت په ورځ كېږي كوم كښې به چې د څلورو واړو صوبو ٬ ګګت بلتستان او د آزاد كشمير اړوند وزيران ٬ چارواكي او نړيوال پوهان ګډون كوي۔ د دې خيالاتو څرګندونه هغه د شورؤ په ورځ خبري كنفرنس ته خطاب كښې وكړه۔ هغه ووئيل غذائي تحفظ باوري كولو له حكومت د كركيلې څانګې بجټ د تېرو دورونو په مقابل كښې 1.6 اربه روپو نه62 اربه روپو ته رسولے۔ هغه ووئيل خوراك مهمه څانګه ده پخوا دې ته پام لرنه نه ده شوې۔ د كوچنيانو ودې له خوراك ډېر مهم دے۔ اوسني حكومت په اقتدار كښې د راتللو سره نه يوازې پیداوار زياتولو ته پام كړے بلكې د وګړو پام غذائيت لرونكي خوراك پلو ګرځولو له ئې ګامونه هم پورته كړي۔ هغه ووئيل حكومت د كركيلې د ټولو څانګو پرمختګ ته يو ډول پام كوي۔ بلوچستان كښې د تېرو 4 كلونو په مهال 735 ډېمونه جوړ كړې شوي دغسې چې د اوبو كمے لرې شي۔ هغه ووئيل مونږ 22 کروړه اېكړه زمكه لرؤ كومه كښې چې 5 كروړه آباده ده۔ هغه ووئيل د وزيراعظم ويژن له مخې ټول هېواد كښې د اونو نالولو هدف ټاكلے شوے۔ هغه ووئيل د مېوؤ او سبزيانو پېداوار تر 30 چنده او د غلو تر 80 فیصده زياتولو له ګامونه پورته كوؤ۔ هغه ووئيل د لائيو سټاك ودې له هم ګامونه پورته كولې شي۔ د ځناورو په نسل كښې بهترۍ له كار كولې شي۔ د بهر هېوادونو غواګانې زمونږ د غواګانو په مقابل كښې 6 چنده زيات پۍ وركوي۔ مونږ د پيو پېداوار تر درې چنده زياتوونكې يوو۔ پاکستان د 25 بلین ډالرهپۍ او مصنوعات برآمد كولې شي۔ هغه ووئيل نن د زيارت په ورځ كنونشن كېږي په دې كښې د ټولو صوبو خلق ګډون كوي۔ زياتره پوهان د چين نه راروان دي۔ او دا ځكه چې تر ټولو لوئي زراعت د چين دے۔ مونږ به د چين ريسرچ دلته راوړؤ۔ ټېكنالوجي مونږ ته د اروپا په مقابل كښې د چين نه په آسانۍ ترلاسه كېږي۔ هغه ووئيل د كركيلې بهترۍ له به د صوبو د لارې كار كول وي۔ هغه ووئيل د خپلو كروړونو ځناورو اوسنے نسل به په زيات پۍ وركؤنكو ځناورو بدلوؤ۔ هغه ووئيل حكومت به د زرعي ټرانسفارمېشن د لارې خوراك او كركيلې ته خاص پاملرنه كوي۔ هغه زياته كړه چې وزيراعظم عمران خان به نن د كسان كنونشن زرعي ټرانسفارمېشن خاص اړخونه بيانوي
د مېوؤ او سبزيانو پېداوار تر 30 چنده او د غَلو تر 80 فیصده زياتولو له ګامونه پورته كوؤ۔ د وزيراعظم د غذائي تحفظ او تحقيق خصوصي مرستيال جمشېد اقبال چيمه
مضمون کا ماخذ : bolão dupla sena
متعلقہ مضامین
