میرپور 30 ستمبر (اے پي پي) وزیراعظم عمران خان ته په میرپور آزاد جمو کشمیر كښې د زلزلې له امله د شوي زيان په اړه تفصيلي بريفنګ وركړے شو۔ د ګل په ورځ ميرپور ته د راتګ نه پس د آزاد جمو و کشمیر چيف سېكتر وزیراعظم ته د زلزله ځپليو په شوي زيان بريفنګ وركړو۔ په دې موقع د آزاد کشمیر وزيراعظم راجه فاروق حېدر، خارجه وزیر شاہ محمود قرېشي،د كشمير چارو وفاقي وزير علي امین ګندا پور، د اېن ډي اېم اے چیئرمېن لېفټېننټ جنرال محمد افضل، د آزاد كشمير د پاکستان تحریك انصاف صدر بېرسټر سلطان محمد چوهدري، د تحریك انصاف چیف آرګنائزر سېف اﷲ نیازي هم موجود وو۔ وزیراعظم ته ووئيل شول چې د ستمبر په 24مه نيټه د راغلې زلزلې شدت 5.8 ٶ او دې سره د آزاد كشمير د مير پور او بهمبر ضلعې جاتلا، یونین کونسل نادرا سيمې زياتې ځپلې شوې دي٬ د ستمبر په 26مه نيټه د 4.4 شدت زلزله راغلې وه۔ وزیراعظم ته ووئيل شول چې نزدې يو لك كسان ځپلي شوي دي٬ د زيان سروے روانه ده٬ د ابتدائي راپور له مخې 38 كسان پحق رسېدلي او 844 ژوبل شوي دي چې پكښې 107 شديد ژوبل هم دي٬ ده ووئيل چې 500 كورونو ته په بشپړه توګه زيان رسېدلې او 6500 كورونو ته په جزوي توګه زيان رسېدلې دغسې 1200 كچه كورونه هم تباه شوي دي او 500 كچه كورونه په جزوي توګه ځپلې شوي دي۔ ده ووئيل 44 څارو او 50 ګاډو ته هم زيان رسېدلې٬ د معاوضې ابتدائي اندازه 63 كروړه 10 لكه لګول شوې ده۔ د بريفنګ په مهال ده ووئيل د سړكونو د زيان اندازه يو ارب 44 كروړه 30 لكه روپۍ دغسې د برېښنا د تنصيباتو د زيان اندازه 4 كروړه روپۍ ٬ زراعت او د لائيو سټاك ته 5 كروړه 30 لكه روپۍ ٬ د صحت څانګې 7 كروړه روپۍ ٬ فزيكل پلاننګ و هاٶسنګ څانګې 75 كروړه روپۍ٬ د زندانونو 20 كروړه روپۍ او مجموعي اندازه 2 اربه 71 كروړه 60 لكه روپۍ لګولې شوې ده دغسې د اپر جهلم كېنل د شوي زيان اندازه به د پنجاب حكومت لګوي
میرپور، وزیراعظم عمران خان ته په آزاد کشمیر كښې د زلزلې زيانونو په اړه تفصيلي بريفنګ وركړے شو
مضمون کا ماخذ : فا فا فا ۔
متعلقہ مضامین
