اسلام آباد۔17اکتوبر(اے پی پی):وزیراعظم محمد شہباز شریف آکھیے جو شنگھائی تعاون تنظیم اجلاس دا پر امن تھیوݨ سفارتی میدان اچ پاکستان دی وݙی کامیابی اے، قومی مفاد کیتے ا??حادیاں نال رل تے خوشحال پاکستان دا خواب پورا کریسوں۔ وزیراعظم محمد شہباز شریف حکومت اتے ا??حادی جماعتاں دے سینیٹرز دے ا??زاز اچ ظہرانہ ݙتے۔ ظہرانے اچ چیئرمین سینیٹ سید یوسف رضا گیلانی، نائب وزیر اعظم و وزیر خارجہ محمد اسحاق ڈار، حکومتی و اتحادی جماعتاں دے سینیٹرز شریک ہن۔ وزیراعظم شنگھائی تعاون تنظیم اجلاس دی کامیابی تے سارے رہنماواں کوں مبارک ݙیندے آکھیے جو اے سفارتی میدان اچ پاکستان دی ہک وݙی کامیابی اے، ایندے نال پاکستان دی سفارتی پروفائل بین الاقوامی سطح تے ٻئی تکڑی تھئی اے، ایں سانڳے سارے متعلقہ اداریاں سانڄھیاں کوششاں کیتن، شنگھائی تعاون تنظیم اجلاس توں پہلے چینی وزیراعظم دا ٻہوں کامیاب دورہ تھئے۔ اجلاس دی کامیابی اچ نائب وزیراعظم و وزیر خارجہ محمد اسحاق ڈار دا اہم کردار اے، ملکی معیشت مثبت پاسے ویندی پئی اے، مہانگ ڳھٹیے، معیشت تکڑی تھیوݨ نال پاکستان 2025 دے اہداف 2024 اچ ہی پورے کر ڳھدن، ترسیلات زر اچ مستقل اضافہ ملکی معیشت کیتے چنڳاں اتے بیرونِ ملک مقیم پاکستانیاں دے حکومتی پالیسیاں تے ا??تماد دا ثبوت اے۔ انہاں آکھیا جو معشیت تکڑی کرݨ کیتے ساریاں قربانیاں ݙتن، اساں اڳیں آلی کار مخالفین کوں ملکی ترقی و خوشحالی کیتے محنت کرتے ولدا ݙیسوں۔ انہاں اتحادی جماعتوں دے سینیٹ اچ قائدین کوں آکھیا جو تساں سیاست دی قربانی ݙے تے وݙی محنت کیتی اے جیندا نتیجہ معاشی استحکام اتے سفارتی کامیابیاں نال نکلیے ا??ے ملک اوکھ توں ٻاھرو آندا پئے، ملکی ترقی کیتے عوام، سیاسی جماعتاں اتے ا??ارے رل تے کم کریندے پن، قومی مفاد کیتے ا??اں اتحادیاں نال رل تے خوشحال پاکستان دو ودھدے پئے ہیں۔
شنگھائی تعاون تنظیم اجلاس دا پر امن تھیوݨ سفارتی میدان اچ پاکستان دی وݙی کامیابی اے، وزیراعظم محمد شہباز شریف
مضمون کا ماخذ : resultados loteria São Paulo
متعلقہ مضامین
.jpg)
