اسلام ??باد ۔ 11 دسمبر (اے پی پی) وفاقی وزیر منصوبہ بندی احسن اقبال پاکستان کوں ای سی او دے خطے اچ ترقی سانگے رابطے ودھاونڑ، تجارت دے فروغ اتے تعاون ودھاونڑ تے زور ڈیندے ہوئیں آکھے جواساں کوں آپنڑی عوام کوں حاضردور دی ٹیکنالوجی اتے ایجاداں دے چیلنج توں نبڑن سانگے تیار کرنڑ کیتے رابطیاں کوں ودھاونڑ اتے کم کرنڑ پوسی۔ سیاست، معیشت،سلامتی اتے ??احولیاتی شعبیں اچ چیلنجاں نال نبڑن سانگے علاقائی اتے عالمی تعاون دی ضرورت ہے۔ انہاں خیالیں دا اظہار انہاں سونوار کوں اقتصادی تعاون تنظیم دی ریجنل پلاننگ کونسل دے 28 ویں اجلاس دا افتتاح کریندے ہوئیں کیتے۔ وفاقی وزیر آکھے جو موجودہ حالات ا??ے عالمی ترقی تے اقتصادی تناظر اچ اقتصادی تعاون دی تنظیم دا کردار بہوں اہم تھی گئے۔انہاں آکھیا جو اج دے سارے چیلنج این گالھ دا تقاضہ کریندن جو اساں روایتی تعاون دے نال نال تعاون دیاں نویاں رستے گولوں ، تجارتی رابطیاں کوں پک?? کرنڑ اتے سرمایہ کاری دی راہ سدھی کرنڑ سانگے وی سانجھی حکمت عملی بنڑاونڑ اتے تنظیم دے رکن ملکاں دی ذمے داری ہے۔ انہاں آکھیا جو اقتصادی تنظیم دے رکن ملکاں دے نمائندہ اجلاس دا پاکستان اچ کامیاب انعقاد خوش آئند ہے، سائنس ،اقتصادیات ا??ے ٹیکنالوجی جتھاں انسانیت کوں ودھ سارے فائدے اتے اور سہولتاں بارے ڈسائے اتھاں ڈوجھے پاسے نویں چیلنج وی کھڑے کر ڈتن۔انہاں آکھیا جو اساکوں ایں اجلاس دے دوران تعاون دیاں نویاں راہیں بنڑاونڑ پوسن۔ انہاں آکھیا جو آپس اچ رابطے پکے کرنڑ سانگے مواصلات ا??ے وسائل دے ذرائع اچ ای جدت تے تعاون کوں ودھاونڑ دی ضرورت ہے۔وفاقی وزیر آکھیا جو اساکوں جرائم اتے ??نشیات کوں روکنڑ سانگے آپس اچ تعاون ودھاونڑ تے غورکرنڑ پوسی۔اناہں آکھے جو زراعت، صنعت، توانائی اتے ??عدنیات دے شعبیں اچ آپس اچ تعاون نال رکن ملکاں دی عوام کوں روزگار اتے اپنڑے مسئلیاں کوں مکاونڑ اچ مدد ملسی۔ احسن اقبال ای سی او دے رکن ملکاں وچال ودھ توں ودھ تجارت ا??ے ایں مقصد سانگے سڑک، ریل گاڈی اتے ??ضائی رستے توں آونڑ ونجنڑ دے مو ¿ثر نیٹ ورک دی ترقی تے زور ڈتا۔ انہاں آکھیا جو رکن ملکاں وچال براہ ر است پروازاں دے علاوہ تاجراں اتے عوام ??انگے ویزاں کوں آسان بنڑاونڑ اتے تعاون سانگے وی اقدامات کیتے ??نجنڑ چاہیدن۔ منصوبہ بندی دے وزیر تاپی (TAPI) اتے کاسا 1000 جئے منصوبیں تے اطمینان دا اظہار کریندے ہوئیں آکھے جو ای سی او کوں توانائی دے شعبیاں اچ تعاون ودھاونڑ سانگے کم کرنڑ چاہیدے۔ احسن اقبال آکھے جو موجودہ حکومت بجلی دی گھٹکی تے ??ابو کر گھدے اتے دہشت گردی کوں ہرا ڈتے۔ انہاں آکھے جواساں بلند ترین شرح نمو داہدف گھنڑ اچ کامیاب تھئے ہسے اتے جاری مالی سال سانگے اساڈا ہدف 6 فیصد ہے۔ وفاقی وزیر آکھے جو وسط ایشیائی ریاستاں گوادر دی بندرگ??ہ توں تجارت سانگے چین پاکستان اقتصادی راہداری اچ گھاٹی دلچسپی رکھیندن۔
وفاقی وزیر منصوبہ بندی احسن اقبال دا ای سی او دی ریجنل پلاننگ کونسل دے اجلاس توں خطاب
مضمون کا ماخذ : آن لائن لاٹری پاکستان
متعلقہ مضامین
