اسلام آباد 11 جولائي (اے پي پي) د روغتيا وزارت وئيلي دي چې پاكستان 22 كروړه نفوس سره د آبادې په لحاظ په دې وخت كښې د نړۍ 5م لوي هېواد دے او په سارك هېوادونو كښې پاكستان د 2.4 فيصد د آبادې تناسب سره په وړومبي نمبر دے د كوم په آبادې كښې چې هر كال د 30 لكه نفوس اضافه كېږي، د هېواد په آبادې كښې په تندې سره د اضافې په نتيجه كښې نه يوازې د مور او ماشوم په صحت او فلاح و بهبود منفي آغېز كېږي بلكې د اوبو، توان او ماحول پشان په محدود وسيلو هم بوج زياتېږي. د قومي روغتيا وزارت لخوا د اتوار په ورځ د آبادې نړيوالې ورځې په موقع په جاري شوي خاص پېغام كښې وئيلي شوي دي چې د آبادې په اړه د پاكستان قومي بيانيه ډېره واضح ده چې پكښې والدين ته دا حق وركړے شوے چې دوي د خپلې كورنۍ او وسيلو ترمېنځه توازن په ځائ ساتلو سره د خپلو بچو او كورنۍ د بنيادي حقونو او پالنې په اړه د ماشومانو د شمېر او د دوي ترمېنځه د وقفې په اړه په پرېكړه كښې مكمل آزاد او خپلواكه دي. په پېغام كښې وئيلي شوي دي چې په نړيوالې كچه د آبادې نړيواله ورځ هر كال د جولائي په 11مه نېټه لمانځلې شي او د دې مقصد د زياتېدونكې آبادې په اړه په اولس كښې دا مهمه مسئله په ډاګه كول دي. وزآرت د زياتېدونكې آبادې په شان مهمه مسئله په ډاګه كولو لپاره د جولائي د 11مې نېټې نه تر 17مه نېټه د آبادې اونې لمانځي چې پكښې به اولس ته د دې بنيادي مسئلې په اړه خبرتيا وركولې شي. حكومت سره سره د ټولنې هم ذمه واري ده چې هغه د كورنۍ منصوبه بندې په اړه معلومات او خدمات وركړي چې دغسې د پائيدار پرمختګ ترلاسه كولو د لارې والدين د بچو ترمېنځه د وقفې ساتلو په لړ كښې په پرېكړه كولو كښې اساني ورلري.
والدين د وسيلو توازن سره د بچو او د كورنۍ بنيادي حقوق او د غوره پالنې حق لري. د روغتيا وزارت لخوا د آبادې نړيوالې ورځې په موقع پېغام
مضمون کا ماخذ : لوٹومینیا کے نتیجے میں پچھلے حصے
متعلقہ مضامین
.jpg)
